تکایە بۆ باشتر کەڵک وەرگرتن لەم ماڵپەڕە Google Chrome یان Mozilla Firefox بەکار بێنە.
 
   
 
شێناو لاپاڵێکی بچکۆله‌ی زه‌نوێر و سازگار‌ له‌ باوه‌شی نه‌رم و هه‌ناسه‌ی گه‌رمی سروشت و داوێنی چیا سه‌رکه‌ش و خۆڕاگره‌کانی دڵۆژ ودۆلان و ده‌رووی ده‌وران دیده‌ دایه‌ که‌ شاره‌دێ زاناپه‌روه‌ره‌که‌ی بێتووشی ئالانی سه‌رده‌شتی کوردستان، که‌ زۆر زانا و مه‌زنی له‌ ئامێزی به‌ هێزیدا پێگه‌یاندوون و راده‌ستی کۆمه‌ڵگای مرۆڤایه‌تی کردوون؛ له‌ باوه‌ش گرتووه‌. ئه‌م شێناوه‌ی به‌ر ده‌ستیشتان‌ دڵۆپێک له‌ ده‌ریای که‌له‌به‌ر پڕکه‌ره‌وه‌ی زانایانی گه‌له‌که‌یه‌تی. هیوام وایه‌ شایانی شانتان بێت. تکایه‌ ده‌سه‌ریه‌وه‌ باز مه‌ده‌ن، به‌ چاوی دڵ تێیه‌وه‌ بڕوانن و هه‌ڵه‌ په‌ڵه‌کانی وه‌سه‌ر خاوه‌نه‌که‌ی بکه‌نه‌وه‌. شێناو له‌ لێکدانی دوو وشه‌ی(شێ: به‌ واتای کراوه‌، شێدار و هه‌ر ده‌م سه‌وز) و (ناو: به‌ واتای دروشمی ناسینی هه‌ر شتێ، مه‌ڵبه‌ند{خه‌ڵکی ئه‌م ناوه‌یه‌} ) پێکهاتووه‌.
 
وتەی هەستیاران
 
رۆژژمێر
پێوەنددیەکان
شێناو
 
سەرژماری
سەردانەکانی ئەمڕۆ: 5
سەردانەکانی ئەم هەفتەیە: 5
سەردانەکانی ئەم مانگە: 411
سەردانەکانی ئەمساڵ: 1124
کۆی سەردانەکان: 1124
زۆرترین سەردانەکان: 78 لە 29/02/1393
 
 
بابەتەکان


سڵاو ، یه‌كه‌م هه‌نگاوی‌ پێوه‌ندی

 

سڵاو ، یه‌كه‌م هه‌نگاوی‌ پێوه‌ندی

 

 سڵاو كردن یه‌كێ له‌ داب و نه‌ریته‌ جوان و پڕ واتاكانی كۆمه‌ڵی مرۆڤایه‌تییه‌ كه‌ وه‌ك رۆچنه‌یه‌كی سه‌ره‌تایی بۆ پێوه‌ندی‌ گرتن و بناغه‌ تێهاویشتنی خۆشه‌ویستی به‌ رووی‌ یه‌كتریدا ده‌كرێته‌وه‌ . سڵاو سه‌ره‌تای‌ ده‌سپێشخه‌ریه‌كی ژیرانه‌یه‌ بۆ گرێبه‌ستی دۆستایه‌تی و پێكه‌وه‌ ژیانێكی پڕ له‌ خێر و خۆشی . سڵاو سه‌رچاوه‌یه‌كی هه‌ڵقوڵاو له‌ كانیاوی‌ دڵی مرۆڤه‌كانه‌وه‌یه‌ كه‌ تینوویه‌تی پێده‌شت و بێروونی هه‌ناو ده‌شكێنێت و ژیانێكی نوێ‌ به‌ به‌ر جه‌سته‌ی‌ ویشكارۆی‌ پێوه‌ندیه‌كاندا ده‌كاته‌وه‌ . سڵاو هێوریه‌كی بیر لاوێن و خه‌یاڵ راژێنه‌ كه‌ هه‌ستی گڕگرتووی‌ هێشاو و به‌ ژان داده‌مركێنێته‌وه‌ و بگره‌ وره‌ و وریایی تێده‌زێنێت و ده‌یگه‌شێنێته‌وه‌ . دوو كه‌سی تا بڵێی به‌ دوور له‌ هه‌ر وێكچوون و پێوه‌ندێه‌كی پێشتر، كاتێك كه‌ تووشی یه‌كتری ده‌بن به‌ سڵاو له‌ یه‌كتر ده‌رگای‌ هه‌موو هه‌ست و ویستێك به‌ رووی‌ یه‌كدا ده‌كه‌نه‌وه‌ . هه‌ر له‌ رێگای‌ ئه‌و سڵاوه‌شه‌وه‌ بنچینه‌ی‌ هه‌موو پێوه‌ندیه‌كی ده‌روونی ، ئه‌وینداری‌ ، رامیاری‌ ، كۆمه‌ڵایه‌تی و ... تێده‌هاوێژرێت . وێڕای‌ ئه‌وه‌ش سڵاو مه‌رهه‌مێكی ساڕێژكه‌ره‌وه‌ی‌ تێكڕای‌ هه‌سته‌ رووشاوه‌كانی سه‌ر دڵ و ده‌روونی دژ و نه‌یاران هه‌مبه‌ر به‌ یه‌كتره‌ . له‌ رێگای‌ سڵاوه‌وه‌ سۆزی‌ له‌ ده‌س چوو وه‌ده‌ست دێته‌وه‌ ، دێبه‌ری‌ ره‌قه‌ن و ویشكارۆی‌ رق و تووڕه‌ییه‌كان خووس دێنێته‌وه‌ و بگره‌ پاراوتریش له‌ رابردووی‌ به‌روبووی‌ سۆزداری‌ ده‌دات



نووسەر:shenaw | بابەت:بابەتەکان | رێکەوت:23 شهریور 1390 |سەردان:535 | درێژەی بابەت]


هاوبەش بن





 

 

هیوایه‌که‌م

 

هیوایەکەم


ئه‌م کاته‌ت باش

من نامه‌وێ وه‌کوو ئه‌وینداره‌‌ لاساکه‌ره‌وه‌کان له‌ سه‌ره‌تای نامه‌که‌مدا‌ ده‌سته‌وداوێنی کۆمه‌ڵه‌ وشه‌یه‌کی له‌ زاراندا سواو و له‌ زمان داکه‌وتوو ببم و هه‌ندێ رسته‌ی بێ رووح  و سارد و سڕت بۆ بنووسم. من ده‌مه‌وێ باس له‌ بێ تۆیی تۆ بۆ خۆم بکه‌م. ئازاری ته‌نیایی یان ناسۆری ئه‌وینێکت بۆ بخه‌مه‌ روو که‌ تا ئێستا به‌ر گوێی که‌س نه‌که‌وتبێت و ته‌نانه‌ت شنه‌ی هیچ لابایه‌کیش به‌ لایدا تێنه‌په‌ڕیبێت.

من ئێستا له‌ به‌ر په‌نجه‌ره‌ی خه‌مه‌کانمدا وێستاوم و ته‌نیا شتێکی به‌ به‌ر چاوی بیرمدا له‌ راوێچکه‌ و هاتووچۆ دایه‌ تۆی. دڵنیام تۆش ئێستا له‌ پانتایی بیرێکی قوڵدا گیرت کردووه، رۆشناییه‌کی تار وه‌ک نسێی سار بیری تۆشی داگرتووه‌ و ته‌نیا شتێکی ئاوێته‌ی دڵته‌ سۆزدارییه‌ و به‌س‌. چووزانم! ئاخر تۆی یار گه‌ر له‌وپه‌ڕی دنیاش بی هه‌ر له‌ منی سه‌وداسه‌ر نزیکی، من ناتوانم تۆ له‌ بیر خۆم ببه‌مه‌وه‌. تۆ هه‌میشه‌ له‌ ناو دڵ و ده‌روون و هزر و ئه‌ندێشه‌ی مندا ده‌ژیت . من ئێستا که‌ ئه‌م وشانه‌ت بۆ ده‌نووسم رووه‌و روانگه‌ی جوانت دانیشتووم و له‌ هه‌ژمه‌تان خۆم ئه‌سرین و خامه‌که‌م وشه‌ی نه‌بیستراو ده‌بارێنین. تازه‌ من وا راهاتووم که‌ هه‌رده‌م به‌ یادی تۆ له‌ به‌ر ده‌م په‌نجه‌ره‌ی بیرمدا دانیشم و لاپه‌ڕه‌ی یاده‌وه‌ریه‌کان هه‌ڵده‌مه‌وە.



نووسەر:shenaw | بابەت:بابەتەکان | رێکەوت:3 مرداد 1392 |سەردان:211 | درێژەی بابەت]


هاوبەش بن





 

 

مه‌لا ئه‌حمه‌د جه‌ریحی


        زانای‌ مه‌زن و نه‌مر مه‌لا ئه‌حمه‌د جه‌ریحی كوڕی‌ مه‌لا عومه‌ر واشه‌مه‌زینی ساڵی (1285) ی‌ هه‌تاوی‌ له‌ گوندی‌ واشه‌مه‌زینی سه‌رده‌شت پێی ناوه‌ته‌ ژیانه‌وه‌ . ئه‌و به‌ڕێزه‌ یه‌كێ له‌ تیرێژه‌ تیشك هاوێژه‌كانی ئاسمانی زانینه‌ كه‌ له‌ سایه‌ی‌ سه‌روه‌ری‌ باوكیدا هه‌ر به‌ ساوایی ورد و وریا و دیندار راهێنراوه‌ ، به‌ هه‌ست و هۆشی كراوه‌ گۆش كراوه‌ و به‌و بۆچوون و بڕَوا ره‌وایه‌ پێی گرتووه‌ و له‌ دڵاندا جێی گرتووه‌ . ئه‌و ژیر و دانایه‌ وێڕای‌ ئه‌وه‌ كه‌ ژیارێكی بیر ئاواڵه‌ی‌ زانسته‌ ئایینیه‌كان بووه‌ و چه‌ند به‌رهه‌مێكی به‌ نرخی خستووه‌ته‌ سه‌ر كۆی‌ خه‌رمانی زانستی ئایینی ، له‌ بواری‌ شێعر و شاعیری‌ و نووسین و دارشتنی ئه‌ده‌بیشدا ده‌ستێكی به‌ ده‌ستی بووه‌ و له‌ ژێر ناوی‌ (ناڵه‌ی‌ جه‌ریحی) دیوانی شێعری‌ چاپ و بڵاو كراوه‌ته‌وه‌ . راسته‌ كه‌ بای‌ خه‌زان له‌ هه‌ڕه‌تی كامڵ بوون و له‌ (38) ساڵیدا گوڵی ته‌مه‌نی په‌ڕپه‌ڕ كردووه‌ و وه‌ك ئاواتێكی نه‌كامڵ شوێنی له‌ سه‌ر دڵی تێكڕای‌ خوێندكاران و زانایانی ئۆگری‌ داناوه‌ ، به‌ڵام تا ئێستاش چرای‌ بیر و مه‌شخه‌ڵی هه‌ڵكردووی‌ له‌ ئایسان نه‌كه‌وتووه‌   .

 



نووسەر:shenaw | بابەت:ئەدەب | رێکەوت:30 شهریور 1391 |سەردان:238 | درێژەی بابەت]


هاوبەش بن





 


عه‌للامه‌ ابن الحاج


مه‌لا محه‌ممه‌د كوڕی‌ حاجی حه‌سه‌ن سنجوه‌یی - ئالانی مه‌شهوور به ((ابـن الحاج)) یه‌كێك له‌و ئه‌ستێره‌ پڕشنگدارانه‌ی‌ ئاسمانی زانست و زانیارییه‌ كه‌ به‌ گوێره‌ی‌ نووسینی زانایانی ئایینی و بۆچوونی مێژوونووسانی سه‌رده‌م،  ساڵی ( 1111- ه.ق) له‌ گوندی‌ سنجوه‌ی‌ ئالانی ئه‌ده‌بپه‌روه‌ر و بێشكه‌ی‌ زانایاندا چاوی‌ به‌ ژیان هه‌ڵێناوه‌ . حاجی حه‌سه‌ن سنجوه‌یی باوكی مه‌لا محه‌ممه‌د پیاوێكی وه‌رزێر و خاوه‌ن بوونیه‌ت و خۆشه‌ویستی دانیشتوانی ئاوایی بووه‌ . به‌ رێكه‌وت له‌و ساڵه‌یدا كه‌ مه‌لا محه‌ممه‌د تیایدا له‌ دایكبووه‌ ، ئه‌و به‌ڕێزه‌ بۆ زیاره‌تی ماڵی خودا چووه‌ . ئه‌و ده‌میش ئه‌و سه‌فه‌ره‌ گرنگه‌ زۆری‌ پێداویستووه‌ و وه‌كوو رێگای‌ هات و نه‌هات بووه‌ ، به‌ هاتنه‌وه‌ و گه‌ڕانه‌وه‌ی‌ له‌و سه‌فه‌ره‌ پڕ له‌ خێر و بێره‌ی‌ و شادبوونه‌وه‌ی‌ به‌ زێد و مه‌ڵبه‌ندی‌ له‌ دایكبوونی خۆی‌ و هه‌روه‌ها به‌ شوكرانه‌ی‌ خه‌ڵات پێدانی یه‌زدان و له‌ دایكبوونی تاقانه‌ كوڕه‌كه‌ی‌ كه‌ له‌و سه‌رده‌مه‌دا شانازیه‌كی تا بڵێی  گه‌وره‌ بۆ بنه‌ماڵه‌كه‌ی‌  بووه‌ ، میوانداری‌ و بۆنه‌یه‌كی به‌رچاو و ده‌نگده‌ره‌وه‌ی‌  گێڕاوه‌ و هه‌ر له‌و كۆڕشدا ناوی‌ (محه‌ممه‌د)یان له‌ كوڕه‌كه‌ی‌ ناوه‌ . وه‌كوو ده‌ركه‌وتووه‌  حاجی حه‌سه‌ن مرۆڤێكی بیر ئاواڵه‌ و ژیر و وریای رۆژگاری‌ خۆی‌ بووه‌ ، گرنگێكی تایبه‌تی به‌ خوێندن و فێربوون داوه‌ ، وه‌كوو پێویست له‌و بواره‌دا به‌ كوڕه‌كه‌ی‌ راگه‌یشتووه‌ . له‌ زۆربه‌ی‌ ده‌ورووبه‌رانی خۆی‌ جوانتری‌ راهێناوه‌  و هه‌ر كه‌ له‌ خه‌م ره‌خسیوه‌ وه‌به‌ر خوێندنی ناوه.‌

 



نووسەر:shenaw | بابەت:ئەدەب | رێکەوت:30 شهریور 1391 |سەردان:262 | درێژەی بابەت]


هاوبەش بن





 

 

جزئی از زندگینامه علامه ملا عبدالله بیتوشی


در نوار شمال غرب ایران سرفراز و در جنوب استان آذربایجان غربی در طول جغرافیایی 45 درجه و 29 دقیقه و عرض 36 درجه و 9 دقیقه و 15 ثانیه با ارتفاع 1500 متر از سطح دریا و وسعت 5/2 کیلومتر مربع با آب و هوای نسبتا مدیترانه ای شهر ناشناخته بر بلندایی زاب صغیر و در دامان کوه (گرده سوور)با همه زیبایی های خدادادی و کم نظیر به خود ، زنده و پویا و خاضع و فروتن سر بر سینه زاگرس نهاده است .

ساکنانش با صفای خاطر و مناعت طبع که خاص مردم کردستان است سربلندتر از قله های رفیع زاگرسند و قلبشان زلالتر از آب چشمه ساران است و به لطف و عنایت خداوند منان مردمی خدادوست و دیندارند . گذشته این دیار گواهی بر این گفته می باشد که علما و ادبا و عرفا و مردمان نامی و با تقوائی در این خطه پا به عرصه وجود گذاشته اند که یکی از آن نامیان همیشه زنده تاریخ و جهان علامه ملا عبدالله بیتوشی می باشد .

بیتوشی ملا عبدالله دانشمندی متبحر ، شاعری توانا ، نویسنده ای چیره دست ، ادیبی بلیغ و امامی بزرگ در علوم اسلامی بوده که آثار و تالیفات بسیار ارزنده و پر ارزشی را به نظم و نثر از خود به یادگار گذاشته است .

پدرش ملا محمد بن اسماعیل بن ابراهیم بن عزالدین می باشد . در حدود سال 1135 (ه . ق) در روستای بیتوش و در خانواده ای که بیشترشان و از جمله پدرش ملا محمد که در روستای بیتوش سمت تدریس داشته و اهل فضل و ادب و دانش بوده ، دیده به جهان گشوده است . همچنین ملا محمود برادر بزرگ علامه بیتوشی که به (ملای بزرگ) در منطقه آلان مشهور و معروف می باشد از لحاظ هوش و حافظه کم نظیر بوده است .



نووسەر:shenaw | بابەت:ئەدەب | رێکەوت:30 شهریور 1391 |سەردان:573 | درێژەی بابەت]


هاوبەش بن





 

عه‌للامه‌ بێتووشی


 عه‌للامه‌، مـه‌لا عه‌بدوڵڵا كوڕی مه‌لا مـحه‌ممه‌د، كوڕی مه‌لا ئیسماعیل، كـوڕی مه‌لا ئیبراهیم، كوڕی مه‌لا عیززه‌ددین، یـه‌كێ له‌ گه‌وره‌ ناودارانی جیهانی ئیسلامه‌، كه‌ ناو‌وناوبانگی زانایی‌و شاره‌زایی له‌ بواره‌ جیاجیاكانی دین ‌و زانسته‌كانی دیكه‌دا ده‌نگی داوه‌تـه‌وه‌ .

به‌ بۆچوونی‌ گه‌لێك له‌و گوڵچنانه‌ی له‌باخچه‌ی ره‌نگاوڕه‌نگی پڕ‌بۆن و به‌رامه‌ی ‌مێژوودا گوڵبژێرن‌و به‌ قسه‌ی ئه‌و كارامانه‌ی لـه‌ناو مێرخوزاری به‌سـه‌رهاتی رابردواندا ئاودێرن، ئـه‌و زانایه‌ ده‌وروپشتی ساڵی 1140 (ه.ق)  له‌ گوندی ئه‌ده‌ب ‌پـه‌روه‌ر‌و سه‌رسه‌وزی (بێتووش)ی ئالانی سه‌رده‌شت‌و له‌ كۆشی بنه‌ماڵه‌یه‌كی به‌ره‌چه‌ڵه‌ك دیندار و زاناپه‌روه‌ردا پێی ناوه‌ته‌ مه‌یدانـی ژیانه‌وه ‌، پاش ‌تێپه‌ڕكردنی سه‌رده‌می منداڵی ‌و گۆشكردنی به‌ئامۆژگاری شیاو، له‌ژێر چه‌تری چاوه‌دێری بنه‌ماڵه‌دا ، قوڕئان و كتێبه‌ سه‌ره‌تاییه‌كانی ئه‌و ده‌می لای باوكی خوێندووه‌. ئینجا له‌گه‌ڵ (مه‌لا مه‌حموود)  كه‌ براگه‌وره‌ی بووه ‌‌و له‌ زۆر شوێندا به‌ (اوستازیِ) ناوی هێناوه‌، ده‌چنه‌ خزمه‌ت زانای هه‌رگیز نه‌مر مه‌لا (محه‌ممه‌د موده‌ڕیس) ناسراو‌ به‌(ابن الحاج) له‌گوندی سنجوه‌ی ئالان ‌و تا راده‌یه‌كی زۆر پوخته‌بـوون و بڕینی زۆر پلـه‌ی گرنگ لـه‌و سێبه‌ره‌ دڵگره‌دا ده‌مێننه‌وه ‌. پاشان به‌ره‌و مه‌ڵبه‌نـدی ‌هه‌ولێر‌و‌ گوندی ‌ماوه‌ران ‌و خزمه‌ت (صبغه‌ا... حیدری‌ افندی‌) ده‌چن و له‌وێشه‌وه‌ سه‌ر به‌ (دار السلام)ی به‌غدادا ده‌كه‌ن .

 



نووسەر:shenaw | بابەت:ئەدەب | رێکەوت:30 شهریور 1391 |سەردان:228 | درێژەی بابەت]


هاوبەش بن




 
 
 
 

Copyright © 2011 Shenaw , All Rights Reserved